耶穌再用譬喻答佢哋話、
天國好比一個君王、為佢仔擺娶親嘅筵席。
打發佢的僕人去、叫所請嘅客嚟埋席、個的人唔肯嚟。
又打發第的僕人、話過所請嘅人知、我嘅大餐已經整定、我嘅牛與及肥畜生、已經劏定、而且各樣齊備咯、請嚟埋席喇。
但係個的人總唔理、就行去嘵、一個去自己嘅田、一個去做生意。
其餘的人、執住佢嘅僕人、凌辱殺嘵。
君王就惱怒、打發兵丁、去剿滅個的兇手、焚燒佢哋嘅城。
就對佢僕人話、筵席已經齊備、但所請嘅人唔堪當。
故此你去通行大路、但凡遇著嘅、都請佢嚟埋席囉。
個的僕人、出到路上、聚集埋所有遇著嘅、或善或惡、噉就人客坐滿席上。
君王入去睇個的人客、睇見個處、有一人唔著禮服。
就對佢話、朋友呀、你入嚟呢處、做乜唔著禮服呢。佢冇聲出、
君王對個的使喚嘅話、將佢綁住手腳、𢫕出外便黑暗嘅地方、喺個處、必定哀哭切齒咯。
因為被招嘅係多、得選嘅係少呀。○
個陣時、法利賽人出去、大家同謀、點樣將佢說話嚟陷害佢。
就使自己嘅門生、共埋希律黨嘅人、去到佢處話、老師呀、我哋知到你係真實嘅、亦𢬿真實嚟傳上帝嘅道、唔理人身分點樣、因你唔係𢬿外貌嚟取人呀。
故此請話我哋知、納稅過該撒、（羅馬國君名號）、你意思以為著唔著呢。
耶穌知到佢哋奸詐、就話、偽善嘅人呀、因何試我呢、
俾納稅嘅銀錢我睇吓。佢哋就拈一個銀錢俾過佢。
耶穌對佢哋話、呢個相頭共國號、係乜誰嘅呢。
佢哋話、該撒嘅。於是耶穌對佢哋話、𢬿該撒嘅物、歸番該撒𢬿上帝嘅物、歸番上帝咯。
眾人聽聞見出奇、就離開佢去嘵。○
個日、有(口撒)吐𡀲人、即係話冇復生嘅、嚟到耶穌處問話、
老師呀、摩西有話、倘若一個人、冇仔女死嘵、佢細佬要娶佢嘅妻、生仔承繼大佬。
我哋之中、有七個兄弟、至大嘅娶親死嘵、冇仔、剩落個妻過細佬。
第二第三至到第七都係噉樣。
收尾個個婦人亦死。
噉就到復生之時、七個人之中、個婦人做邊個嘅妻呢、因為個個都娶過佢咯。
耶穌答佢哋話、你哋唔曉得聖書、與及上帝嘅權能、故此錯呀。
因為復生之時、冇娶冇嫁、好似上帝嘅使者、喺天上一樣。
但係論死者復生、你豈未曾讀過上帝曉諭你哋嘅說話咩、
話我係亞伯拉罕嘅上帝、以撒嘅上帝、雅各嘅上帝、上帝唔係死者嘅上帝、係生者嘅上帝、
眾人聽聞、就驚奇佢嘅教訓。○
法利賽人、聞得耶穌令(口撒)吐𡀲人冇聲出、就聚集埋。
其中有個教法師試佢、問話、
老師呀、律法之中、邊條誡係大呢。
耶穌對佢話、必要盡你嘅心、盡你嘅性、盡你嘅意、愛主即係你嘅上帝。
呢條誡、係大嘅、而且第一。
第二亦係噉樣、係要愛你鄰舍好似自己。
所有律法、與及眾先知、都係呢兩條誡做綱領咯。○
法利賽人聚集個陣時、耶穌對佢哋話、你點樣估基督呢、係乜誰嘅後裔呢。
佢哋答話、大闢嘅。
耶穌對佢哋、既然係噉、大闢被聖神感動之時、為乜稱基督為主呢。
大闢有講、主對我主話、你坐倒我右便、等到我𢬿你嘅仇敵、擠倒你腳下。
大闢既然稱基督做主、噉基督點樣係佢後裔呢。
冇人能𢬿說話嚟答佢、自個日之後、一個都唔敢再問佢咯。