將近耶路撒冷、到伯法其、及伯大尼、喺橄欖山處、耶穌打發兩個門生。
對佢哋話、你去對面個條村、入到個時、必遇著一隻驢仔綁倒處、歴來未有人騎過嘅、你就解用拉佢嚟。
倘若有人問話、你哋解驢做乜野呢。你就話、主要用佢呀、個人必即時俾佢嚟。
門生就去、果然遇著隻驢仔綁倒門外街邊、就解甩佢。
企倒個處嘅、有的人對佢哋話、解個隻驢仔做乜野呢。
門生照依耶穌所講嘅嚟答佢、個的人就任從佢拉。
既拉驢仔到耶穌處、佢哋𢬿自己嘅衫、鋪落驢背、耶穌騎上去。
有好多人𢬿自己衫、鋪在路上、亦有人在田斬樹枝、鋪在路上。
喺前便行後便跟嘅人、大聲叫話、萬福呀、托主名嚟嘅、應該得福呀。
我哋祖宗大闢嘅國、將近嚟嘅、應得福呀、萬福在至上嘅呀。
耶穌到耶路撒冷、入去殿堂、周圍睇各樣物件、時候已經夜咯、就同十二門生出去、到伯大尼。○
第二日、佢哋自伯大尼番嚟個時、耶穌肚餓。
遠遠見無花果樹有葉、就行埋去、想喺佢上頭搵的果子、及去到、淨係見葉呮、因為收果嘅時候未到呀。
耶穌就對個棵樹話、自今以後、永遠冇人食你嘅果咯、佢門生都聽見。
佢哋到嘵耶路撒冷耶穌入殿堂、就趕個的喺殿裏買賣嘅、推倒個的找錢嘅檯、與及賣白鴿的人嘅椅。
又唔准人擰器具、經過殿裏。
就教訓佢哋話、聖經唔係有寫、我屋必叫做萬民祈禱嘅屋咩、但你哋𢬿佢嚟做賊巢呀。
眾祭司長、及讀書人、聽聞呢的說話、想搵計嚟殺佢、但又怕佢、因為眾人驚奇佢嘅教訓呀。○
到挨晚時、耶穌出城去。
第二朝、佢哋經過、見個棵無花果樹、連根都乾嘵。
彼得記起、就對佢話、夫子、請睇吓你所咒詛嘅無花果樹、已經乾枯咯。
耶穌答佢哋話、你哋當要信上帝。
我實在話你知、但凡對呢個山話、搬去𢫕落海、如果心中冇思疑、信呢句說話、必成就、噉就一的都成就(口駕)。
故此我話你哋知、當祈禱時、唔論求乜野、若信你噲得、就是必得倒呀。
你哋企處祈禱時、若係共人有仇恨、要赦免佢、噉就你父在天、亦唔赦免你罪。
你若唔赦免佢、你父在天、亦唔赦免你罪咯。○
佢哋再到耶路撒冷、耶穌喺殿間行、眾祭司長、讀書人、及長老嚟到、
對佢話、你𢬿乜野權柄、做呢的事呢、又乜誰賜你呢的權柄、令你做得噉樣呢。
耶穌對佢哋話、我亦有一句說話問你、請你答我、我就話你知、我𢬿乜野權柄做呢的事咯。
約翰嘅洗禮、係由天嚟嘅吖、抑或由人嚟嘅呢、請你答我。
佢哋私下議論話、我哋若話係由天嚟嘅、佢是必問、做乜你哋唔信佢呢。
若話係由人嚟嘅、又慌住百姓、因為眾人以為約翰真係先知呀。
佢哋就答耶穌話、我哋唔知耶穌對佢話、我亦唔話你哋知、我𢬿乜野權柄做呢的事咯。