到朝早個時、眾祭司長及長老讀書人、共全公會嘅人、大家斟酌、就綁起耶穌、𢬿佢交過彼拉多。
彼拉多問佢話、你係猶太人嘅王咩。耶穌答佢話、你講得著咯。
眾祭司長𢬿好多事嚟告佢。
彼拉多再問佢話、你睇佢哋𢬿咁多事嚟告你、你冇的對答咩。
但耶穌總唔出聲、故此彼拉多見出奇。○
當呢個節期、照依常例、總督要放一個犯人、係任從眾人所求嘅。
有一人、名叫巴拉巴、共個的作反嘅人、同埋綁住佢哋作反之時、也曾殺人。
眾人就大聲叫、求總督照例嚟做。
彼拉多對眾人話、你想我放猶太人嘅王過你唔呢。
因為佢知到眾祭司長妒忌耶穌、故此解佢嚟呀。
眾祭司長聳動百姓、求總督寧可放巴拉巴俾佢。
彼拉多再答眾人話、噉樣、你哋所稱猶太人王嘅、我要點樣處置佢呢。
眾人再大聲話、釘佢落十字架喇。
彼拉多對佢哋話、佢做過乜野惡事呢。眾人越發大聲叫、釘佢落十字架喇。
彼拉多想安百姓嘅心、就放巴拉巴俾過佢哋、又鞭打耶穌、交過人去、釘佢落十字架。○
個的兵拉耶穌入去院內、即係公堂、就會埋通營嘅人。
擰件紫色嘅袍、著落佢身、又𢬿荊棘結成冠冕、戴上佢頭。
就問佢安噉、話、猶太人嘅王平安吖。
又𢬿條蘆荻打佢頭、俾口水唾佢身、跪倒處拜佢。
戲弄完、就脫嘵個件紫色袍、共佢著番自己嘅衣服、拉佢出去釘落十字架。
有個古利奈人、名叫西門、即係亞力山大、及魯孚嘅父親喺田間嚟、經過個處、眾人強佢孭住耶穌嘅十字架。
佢哋帶耶穌到一笪地方、名叫各各他、繙譯即係枯顱頭處。
就𢬿沒藥嘅酒俾佢、但耶穌唔受。
噉就釘佢落十字架、又分開佢衣服、執籌睇乜誰得邊份。
釘佢在十字架個時、正係辰時尾。
佢上頭有條犯罪嘅標、寫出話猶太人嘅王。
又有兩個賊、同埋釘落十字架、一在佢左便、一在佢右便。
噉就應嘵聖經所寫、人算佢係罪犯之中嘅人個句咯。
經過嘅人褻凟佢、(口佞)吓個頭話、(口挨)你噲拆個間殿、三日內又起番。
如今應該救自己、喺十字架落嚟哩。
眾祭司長及讀書人、亦係噉樣戲弄佢。大家相講話、佢救得別人、唔救得自己呀。
以色列王基督、如今應喺十字架落嚟、等我哋睇見就信咯、同埋釘嘅賊亦怒罵佢。○
自正午時至未時尾、全地黑暗。
未時尾個陣、耶穌大聲叫話、㕽唎㕽唎、啦嗎(口撒)(口駁)吠呢、繙譯即係我嘅上帝、我嘅上帝、做乜遺落我呢。
喺側邊企嘅、有的人聽見就話、佢叫以利亞𡃓、
有個人走去、𢬿水(氵抱)浸落醋處、扎在蘆荻上、遞過佢飲、話、由得佢喇、我哋睇以利亞嚟、攞佢落嚟唔吖。
耶穌大叫一聲氣就斷嘵。
殿裏布帳、自上至下、裂開兩截。
有個百把總、企在耶穌對面、睇見佢噉樣大聲斷氣、就話、呢個人真係上帝之子咯。
又有女人、隔遠望住、其中有抹大拉嘅馬利亞、共年少雅各約西嘅母親馬利亞、與及撒羅米、
即係耶穌喺加利利個時、跟從服事佢嘅、更有好多女人、係同佢上耶路撒冷嘅。○
個日係預備嘅日子、即係安息前一日、已經挨晚時候、
有個亞利馬太人約瑟嚟、佢係尊貴嘅議士、仰慕上帝國嘅、放膽入去見彼拉多、求耶穌嘅屍。
彼拉多詑異耶穌已經死嘵、就叫百把總嚟問過、佢死嘵幾耐呢。
既問明百把總、就俾個屍過約瑟。
約瑟買嘵幼細麻布、就攞個屍落嚟、將麻布包好、葬在墳墓、呢個墳墓係磐石鑿開嘅、佢又轆一嚿石、塞住墳墓口。
抹大拉嘅馬利亞、與及約西嘅母親馬利亞都見葬佢個笪地方咯。