耶穌又對佢哋話、我實在話你知、企倒呢處嘅、有的人未死之先、必得見上帝國、好有權柄臨到嘅。o
過六日、耶穌帶住彼得雅各約翰、同埋上高山幽靜之處、喺佢哋面前變化。
佢嘅衣服光明、色水極白、世上漂布嘅人、都唔漂得咁白。
個時、佢哋又見以利亞摩西現出嚟、共耶穌講。
彼得對耶穌話、夫子、我哋喺呢處好咯、等我搭三間茅屋、一間為你、一間為摩西、一間為以利亞。
但佢唔知自己講乜野、因為三個門生都好慌呀。
適値有雲遮住佢哋、有聲喺雲中出嚟話、呢個係我嘅愛子、你哋要聽佢話呀。
門生忽然周圍望吓、一個人都唔見、獨係耶穌共自己喺處呮。○
落山個時、耶穌禁戒佢哋話、人子未曾由死復生、唔好𢬿你所見嘅講過人知。
門生將呢句說話、擠在心中、大家議論由死復生、係乜野意思。
又問耶穌話、為乜事讀書人、話以利亞必要先嚟呢。
耶穌對佢哋話、以利亞真係先嚟、再興起各樣嘅事、而且聖經論及人子、點話佢必定受好多害、被人輕忽呢。
但我話你哋知、以利亞已經嚟、眾人隨意待佢、照依聖經所講及佢嘅咯。○
耶穌到門生處、見大多人圍住佢哋、又有讀書人、共佢哋辯論。
大眾一見耶穌、十分驚異、走前去問佢安。
耶穌就問個的讀書人話、你共佢辯論乜野呢。
眾人之中、有一個答佢話、老師、我帶我嘅仔嚟你處、佢係被啞鬼所迷嘅、
唔論喺邊處揸佢、就令佢跌倒、流口水咬牙齒、又乾瘦咯、我也曾請你門生趕佢、但佢哋不能。
耶穌答佢話、(口挨)、冇信德嘅世代呀、我同你喺得處幾耐、我忍耐得你幾耐呢、試帶個仔嚟我處喇。
佢哋就帶佢嚟、一見耶穌、鬼就縮攣佢、(口僕)倒地處、翻來覆去、兼流口水。
耶穌問佢父親、你仔得噉嘅病、幾耐呢。佢話、自細時係噉咯。
個鬼屢次𢫕佢落水火之中、想滅嘵佢、倘若你能做得嚟、就憐憫幫助我哋咯。
耶穌對佢話、你使乜講倘若你能個句說話呢、有信嘅人、樣樣都做得呀。
個仔嘅父親、即時流眼淚、大聲叫話、我信、但我信不足、求你幫助喇。
耶穌見眾人走埋佢處、就責罰個邪鬼話、聾啞嘅鬼呀、我吩咐你喺佢處出嚟又咪番入去嚹。
個鬼就大聲叫、縮攣佢好辛苦、就出去、個仔好似死一樣、至到眾人都話佢死嘵咯。
但耶穌執住佢手、拖佢起、佢就起身。
耶穌入屋、門生靜靜問佢話、我哋做乜唔趕得佢出呢。
耶穌對佢哋話、倘若唔祈禱禁食、呢的族類唔出去(口駕)。○
噉佢哋就離開個處、經過加利利、耶穌唔想人知到、
因教佢門生話、人子必要賣過人手、人哋是必殺佢、被殺之後、第三日復生。
門生唔明白呢句說話、又唔敢問佢。○
大眾到嘵迦百農、在屋內耶穌問門生話、你哋喺路上議論乜野呢。
門生唔出聲、因為喺路上、爭論乜誰係做至大呀。
耶穌坐處叫個十二個門生、嚟對佢話、有人想做先頭嘅、是必做眾人嘅尾後、做眾人嘅使喚人。
耶穌就帶一個細伩仔嚟、擠倒眾人中間、又抱起佢對門生話、
但凡托我名、接納一個噉樣嘅細伩仔、即係接納我、但凡接納我嘅、不獨接納我、即係接納打發我嚟個位呀。○
約翰對耶穌話、老師、我哋見一個人、托你名嚟趕鬼、我哋就禁止佢、因佢唔係跟從我哋嘅。
耶穌話、唔好禁止佢、因為未有人托我名嚟做異蹟、倒轉輕易毁謗我嘅。
但凡唔共我哋做對敵嘅、就係歸從我哋嘅咯。
但凡𢬿一杯水俾你哋飲、因你係屬基督嘅、我實在話你知、個人必定失佢嘅賞賜咯。
但凡令一個信我之小子陷罪、嘅、佢寧可被大石磨掛住頸、𢫕落海重好呀。
倘若一隻手陷你犯罪、就斬斷佢、
你跛手入永生、重好過有兩隻手落火不熄嘅地獄、
倘若一隻腳陷你犯罪、就斬斷佢、
你跛腳入永生、重好過有兩隻腳落地獄。
倘若一隻眼陷你犯罪、就挖嘵佢、你單眼入上帝國、重好過有兩隻眼落地獄。
喺個處、虫唔死、火唔熄嘅。
因為凡人必用火嚟煉佢、凡祭物必用鹽落去。
鹽係好嘅、倘若鹽失嘵味、點得番鹽呢、你哋裏頭應該有鹽、彼此調和呀。